NEQEROORUTAASUT PAASISSUTISSARTAI
KISIMIILLUNI OQALOQATEQARNEQ
Illerpiaanerit inuttullu killiffiit toqqammavigalugit oqaloqatigiittarneq ingerlasassaaq.
Ingerlariaaseq ilinnut tulluarsagaq malillugu allannguutigerusutatit suleqatigiilluta anguniarsinnaavagut.
PERORSAANERMUT TUNNGASUT
Ulluinnarni ilaqutariittut inuunermi, angajoqqaatut perorsaanermi unammillernarsinnaasut takkussuuttuarput.
Piffissami nalorsarfimmi artorsarfimmilu ikiorsinnaavagit.
Illit angajoqqaajussutsit perorsaaninnilu unammillernartitatut misigisatit toqqammavigalugit allannguutsit suut ulluinnassinni tulluarsinnaanersut ujartorsinnaavagut.
INUTTUT NALEQASSUSERMUT TUNNGASUT
Inuit tamatta assigiimmik naleqarpugut.
Peroriartornermili eqqumaffiginngisatsinnik
ilaquttaniit inuiaqatigiinniluunniit
peqqinnanngitsumik inuttut naleqarnermik apeqqusiisumik ilinniartinneqarsinnaasarpugut.
Inuttut naleqassusermut tunngasunik
ajornartorsioruit, oqaloqatigiittarnikkut ilinni
inuttut naleqassuseq peqqinnartoq ineriartortissinnaavarput.
STRESS, KRISE & TRAUME
Inuunitsinni tamatta arlaatigut sakkortuumik aqqusaagaqarneq nalaattarparput.
Tamannalu pigaangat ikiorserneqarnissaq pisariaqarsinnaasarpoq.
Stressilersimaneq traumeqarnerlu inuttut inuuniapiloortutut takussutissaapput.
Oqaloqatigiinnermi toqqissisimasumik
qulaajarsinnaavarput suut timikkut tarnikkullu eqqissisaatigisinnaaneritit.
SUPERVISION
Inuttut suleriaasinnilu isiginnittariaasitit ulluinnarnilu sulianniit assersuutit ukkataralugit, supervision aqqutigalugu sullissisutut ineriartornerit sullisseriaasippillu pitsaassusaa ikorfartorsinnaavarput.
SAQQUMMIINEQ PIKKORISSAANERLU
Tarnip pissusaanik immikkut ilisimasalittut saqqummiisitserusukkussi pikkorissaatitsillusiluunniit attavigisinnaavarsinga.
Nalilerumaarpara piginnaasama iluaniinnersoq. Tassanngaanniillu suliassap annertussusaa malillugu akianik isumaqatigiissuteqarumaarpugut.